На Гомельшчыне падстрэлілі залацістага шакала
Ляснік застрэліў у нацпарку «Прыпяцкі» залацістага шакала. Гэта чужародны для Беларусі від, паведамляе выданне «Паляўнічы і рыбалоў».
24.07.2023 / 21:26
Здымак ілюстрацыйны. Фота: vecteezy.com
Цела жывёліны адправілі на даследаванне ў Мінскі навуковы інстытут. Што тычыцца ранейшага месца пражывання звера, то падазраюць, што ён эміграваў з Украіны.
Упершыню шакала выявілі ў 2012 годзе ў Брэсцкай вобласці. Потым неаднаразова звера сустракалі па ўсёй краіне. Распаўсюджванню новага віду ў нашых шыротах спрыялі мяккія маласнежныя зімы.
Колькасць шакалаў у краіне невядомая, тым не менш у 2017 годзе яго афіцыйна занеслі ў спіс млекакормячых Беларусі. Для чалавека здаровыя асобіны бяспечныя, аднак шакалы, як і лісы, могуць пераносіць шаленства.
Чытайце таксама:
Пад Берлінам амаль два дні шукалі львіцу, а яна аказалася дзіком