Расійскі топ-менеджар памёр ва ўзросце 40 гадоў
Памёр прадпрымальнік, кіраўнік расійскага «ІКС холдынга» Антон Чарапеннікаў, паведамілі РБК у кампаніі. Яму было 40 гадоў.
22.07.2023 / 10:31
Антон Чарапеннікаў. Фота: Wikimedia Commons
«ІКС холдынг» (скарочанае ад інтэлектуальныя камп'ютарныя сістэмы) — расійская шматпрофільная тэхналагічная кампанія, якая займаецца інвестыцыямі, кіраваннем і кансалідацыяй на рынку тэлекам-медыя і тэхналогій.
У мінулым Чарапеннікаў быў чальцом рады дырэктараў холдынга USM, чальцом рады дырэктараў «Мегафона», саўладальнікам і аперацыйным дырэктарам «ЮэСэМ Тэлекам», а таксама прафесійным кіберспартсменам і кіберспартыўным функцыянерам, шматгадовым уладальнікам клуба Virtus.pro і заснавальнікам кіберспартыўнага холдынга ESforce.
Гэта не першая смерць расійскага топ-менеджара ў адносна маладым узросце за апошнія два гады.