Jaŭhien Pryhožyn zarehistravaŭ kampaniju ŭ Asipovickim rajonie
Jaŭhien Viktaravič Pryhožyn staŭ kiraŭnikom niadaŭna stvoranaj kampanii TAA «Kankord mieniedžmient i kansałtynh». Takija źviestki ŭtrymlivajucca ŭ Adzinym dziaržrehistry jurydyčnych asob i IP Miniusta Biełarusi, vyśvietliŭ Reform.by.
22.07.2023 / 10:13
Jaŭhien Pryhožyn u łahiery pad Asipovičami
Pavodle infarmacyi Reform.by, tavarystva z abmiežavanaj adkaznaściu «Kankord mieniedžmient i kansałtynh» sa statutnym fondam 200 biełaruskich rubloŭ (kala 80 dalaraŭ) było zarehistravana Mahiloŭskim abłvykankamam 19 lipienia 2023 hoda i atrymała UNP 791314882.
Adras rehistracyi: Respublika Biełaruś, 213727, Mahiloŭskaja vobłaść, Asipovicki rajon, Pratasievicki sielsaviet, v. Cel, vuł. Uschodniaja, d. 2a. U vioscy Cel znachodzicca palavy łahier, kudy prybyli čaści PVK «Vahnier» z Rasii.
Asnoŭnym vidam dziejnaści novaj kampanii zajaŭlena «kiravańnie nieruchomaj majomaściu».
Stapracentny ŭładalnik biełaruskaj kampanii — rasijskaje TAA «Kankord mieniedžmient i kansałtynh» (1037843002515), a «kiraŭnikom» ukazany Pryhožyn Jaŭhien Viktaravič. Ź im možna źviazacca pa telefonie + 7 812 612 77 22.
U Rasii sapraŭdy isnuje TAA «Kankord mieniedžmient i kansałtynh», zarehistravanaje ŭ 2003 hodzie. Aficyjna ŭ TAA pracuje 31 čałaviek. Hienieralnym dyrektaram kampanii ličycca Pryhožyn Jaŭhien Viktaravič.