Darja Domračava vypisałasia z radzilni i padziakavała piersanału
Viadomaja biełaruskaja bijatłanistka Darja Domračava druhuju svaju dačku, jak i pieršuju, naradžała ŭ Minsku. Vypisaŭšysia z balnicy, jana źviarnułasia sa słovami padziaki da miedpiersanału 5-j minskaj radzilni.
21.07.2023 / 22:11
Na fota, apublikavanym z hetaj nahody, Domračava staić u atačeńni miedykaŭ, trymajučy ŭ rukach dačku, a pobač — jaje muž i baćka dački Ole-Ejnar Bjorndalen (z pavietranymi šarykami ŭ rukach).
Dziaŭčynku Darja Domračava naradziła 17 lipienia. Jak jaje nazvali, pakul nie paviedamlajecca. Siońnia byłaja spartsmienka vypisałasia z radzilni i, jak paviedamlajecca, pajedzie dachaty.
Pieršuju dačku, Ksieniju, Domračava naradziła 1 kastryčnika 2016-ha hoda taksama ŭ Minsku, tolki ŭ inšaj radzilni — 6-j. Ciapier hetaja dziaŭčynka ŭžo školnica i letaś pajšła ŭ škołu ŭ Manaka, dzie ciapier žyvie ŭsia siamja.
Čytajcie taksama:
«Nakont imia ŭ nas šmat varyjantaŭ». Bjorndalen raspavioŭ pra naradžeńnie druhoj dački ŭ Minsku
Piać hadoŭ najhučniejšamu biełaruskamu zołatu ŭ bijatłonie. Dzie ciapier tyja, chto jaho zdabyŭ