Łukašysty rassyłajuć biełarusam paviedamleńni ŭ telehram z patrabavańniem vyjści z «ekstremisckich» čataŭ
Adrazu niekalki čytačoŭ raskazali vydańniu «Lusterka», što apošnimi dniami im u telehram pryjšli niezvyčajnyja paviedamleńni ad nieviadomaha karystalnika. U tekście ludziej prosiać vyjści z čataŭ, pryznanych «ekstremisckimi», a padpisanaje paviedamleńnie HUBAZiKam.
21.07.2023 / 20:22
Paviedamleńnie, jakoje ŭ lipieni 2023 hoda atrymała biełaruska ŭ telehramie.
«Było niepryjemna, jak byccam za taboj niechta padhladvaje ŭ zamočnuju ščylinu. Ja zabłakavała adpraŭnika, jon u čornym śpisie ciapier padpisany jak «vydaleny akaŭnt». Ja dumaju, što takija paviedamleńni rassyłaje bot», — kaža adna z surazmoŭcaŭ.
Žančyna padzialiłasia i skrynšotam paviedamleńnia.
Pra anałahičnyja paviedamleńni raspaviali jašče niekalki biełarusaŭ.
«Ja jaho vydaliła i paviedamiła pra spam. Ale z čata taksama vyjšła: jon u mianie ŭsio adno byŭ u archivie, — kaža inšaja žančyna. — My źjechali hod tamu, ale takija paviedamleńni, viadoma, chvalujuć».
Z 2020 hoda biełaruskija sudy pryznali «ekstremisckimi materyjałami» bolš za 500 roznych čataŭ u telehramie.
Čytajcie taksama:
Čatyroch fihurantaŭ «spravy SBNŠ» asudzili na terminy ad 3 da 3,5 hadoŭ kałonii