Aktyvista Jaŭhiena Afnahiela adpravili ŭ karcar. Praz heta 87-hadovaja maci palitviaźnia siońnia nie trapiła da jaho na spatkańnie
Palitźniavolenaha aktyvista «Jeŭrapiejskaj Biełarusi» Jaŭhiena Afnahiela, asudžanaha da siami hadoŭ kałonii, utrymlivajuć za kratami amal 2 hady i 10 miesiacaŭ. Jon adbyvaŭ termin u navapołackaj kałonii №1, a potym jamu ŭzmacnili režym i pieraviali ŭ mahiloŭskuju turmu №4.
20.07.2023 / 14:44
Za čas u źniavoleńni ŭ Jaŭhiena sapsavaŭsia zrok, tamu ciapier jon vymušany nasić akulary. Za kratami jon šmat čytaje i maluje.
Stała viadoma, što siońnia 87-hadovaja maci palitviaźnia sprabavała patrapić da syna na spatkańnie, dazvolenaje jamu raz na hod. Ale ŭ turmie joj paviedamili, što Jaŭhien źmieščany ŭ karcar da 23 lipienia. Pry hetym u DVP zapeŭnili, što jana moža jechać na sustreču. Praz heta i praz doŭhuju darohu ź Minsku da Mahilovu ŭ žančyny pahoršyŭsia stan zdaroŭja i mocna padniaŭsia cisk.
Padtrymajcie Jaŭhiena: Turma №4, 212011, h. Mahiloŭ, vuł. Krupskaj, 99A, Jaŭhienu Iharaviču Afnahielu