Prarasijskich biełarusaŭ, zatrymanych u Polščy, padazrajuć u namiery padryvać ciahniki
Udzielniki rasijskaj raźviedvalnaj sietki, u jakuju ŭvachodziła i troje biełarusaŭ, płanavali «padryvać ciahniki sa zbrojaj i humanitarnaj dapamohaj dla Ukrainy», paviedamiła vydańnie Gazeta Polska.
19.07.2023 / 19:33
Pavodle infarmacyi polskaha vydańnia, z sakavika pa lipień 2023 hoda ŭ Polščy zatrymali 15 čałaviek. Im vystavili abvinavačańnie ŭ špijanažy (artykuł 130 Kryminalnaha kodeksa Polščy). Jak śćviardžajecca, zadańni jany atrymlivali «z Maskvy», a ŭznaharodžańnie atrymali ŭ kryptavalutach.
15 sakavika Ahienctva ŭnutranaj biaśpieki Polščy zajaviła, što likvidavała špijonskuju sietku, jakaja pracavała na Rasiju i pavinna była rychtavacca da dyviersijnaj dziejnaści ŭ Polščy.
Siarod ich try biełarusy — 41-hadovy Mikałaj Maskalenka, 28-hadovy Uładzisłaŭ Paśmiciucha i jaho dziaŭčyna — 18-hadovaja Maryja Miadźviedzieva.
Łukašenka 22 sakavika zajaŭlaŭ, što Zachad prapanoŭvaŭ jamu abmianiać biełarusaŭ, zatrymanych u Polščy za špijanaž na karyść Rasii.
Čytajcie taksama:
Novyja detali pra zatrymanych u Polščy biełarusaŭ, jakich vinavaciać u špijanažy na karyść Rasii