Kiraŭnica handlovaha doma «Na Niamizie» raskazała, kali tam pierastanie śmiardzieć
Što ŭžo adramantavali va ŭniviermahu ŭ centry horada i jakija źmieny jaho čakajuć?
19.07.2023 / 17:56
Handlovy dom «Na Niamizie». Fota: «Minsk-Naviny»
U mai 2021 hoda stratnyja ŭ toj čas pradpryjemstvy HD «Na Niamizie» i mahazin «Bliskavica» dałučyli da ŭniviermaha «Biełaruś». Domu «Na Niamizie» vydzielili kredyt.
«U 2021 hodzie paśla abjadnańnia pieršaje, što zrabili, — praviali poŭnuju madernizacyju aśviatleńnia handlovaj zały. Adnavili pracu eskałataraŭ. Praktyčna pazbavilisia ad pachu ŭ handlovaj zale. Jon idzie z padvalnych pamiaškańniaŭ žyłoha doma, kapitalny ramont jakoha pryznačany na 2025 hod»,
— raskazała kiraŭnica ŭniviermaha «Na Niamizie» Natalla Zubčonak, pišuć «Minsk-Naviny».
Z 2023 hoda ŭniviermah mianiajecca.
«Vialikuju ŭvahu nadajom fasadu. Źmianili jaho koler ź bieła-žoŭtaha na bieła-šery. Heta naš novy brendbuk», — padzialiłasia kiraŭnica.
Z druhoha paviercha prybrali handlovy paviljon. Tam płanujuć zrabić punkty hramadskaha charčavańnia.
«Tam buduć pravodzicca kulturna-masavyja mierapryjemstvy. Heta naš sumiesny prajekt z šef-povaram adnaho z restaranaŭ», — raskazvaje Zubčonak.
Pačałasia rekanstrukcyja centralnaj leśvicy handlovaha doma. Niadaŭna sumiesna z «Minskzielanbudam» adkryli fantan, jaki nie pracavaŭ kala troch hadoŭ. Adramantavali vintavuju leśvicu.
«U Minsku źjaviłasia, jak modna kazać, novaja łakacyja z fotazonaj dla moładzi. Što tyčycca ŭnutranaj źmieny: adkryli sučasny bar i adzinyja ŭ stalicy varym kavu na piasku. Heta vielmi smačna. Akramia taho, pradajom pradukcyju ŭłasnaj vytvorčaści: marožanaje, kaktejli na luby hust», — raskazała Zubčonak.
U hetym hodzie za košt składskich pamiaškańniaŭ, a heta 800 kv. m, pašyrana handlovaja płošča na pieršym paviersie. Abjadnalisia dźvie siekcyi: «Elektratavary i posud», a taksama «Tavary dla doma», jakija znachodzilisia na druhim paviersie.