U Minsku praviali pieršuju ŭ krainie apieracyju na pazvanočniku z užyvańniem admysłovaha impłantata
Upieršyniu ŭ krainie na bazie RNPC traŭmatałohii i artapiedyi vykanana chirurhičnaja apieracyja na šyjnym adździele chrybta pacyjentcy z pravabakovaj paramiedyjannaj hryžaj mižpazvanočnaha dyska S5-S6 z užyvańniem palimierna-kampazicyjnaha impłantata ajčynnaj vytvorčaści «Miedbijatech», paviedamlaje Minzdaroŭja ŭ svaim telehram-kanale.
19.07.2023 / 08:25
Fota: Minzdaroŭja
Impłantat raspracavany ŭ ramkach navukova-daśledčaj raboty dziaržprahramy «Navukova-techničnaje zabieśpiačeńnie jakaści i dastupnaści miedycynskich pasłuh».
Miedycynskaje ŭmiašańnie pravodziłasia ŭ RNPC traŭmatałohii i artapiedyi. Apieracyju paśpiachova vykanaŭ navukovy supracoŭnik centra, doktar-niejrachirurh Alaksandr Knote pry ŭdziele zahadčyka łabaratoryi, kandydata miedycynskich navuk, dacenta Andreja Babkina i doktara-niejrachirurha Rusłana Niačajeva.
Palimierna-kampazicyjnyja impłantaty šyroka i aktyŭna vykarystoŭvajucca pry chirurhičnym lačeńni zachvorvańniaŭ i paškodžańniaŭ pazvanočnika za miažoj i majuć šerah pieravah pierad inšymi typami impłantataŭ.