Unačy rasiejcy atakavali poŭdzień Ukrainy. Vybuchi prahučali ŭ Adesie i Mikałajevie
Vybuchi prahrymieli ŭ Adesie i Mikałajevie paśla paviedamleńnia ab pavietranaj tryvozie. Tryvoha była abvieščanaja ŭ siami paŭdniova-ŭschodnich abłaściach Ukrainy.
18.07.2023 / 07:05
Fota: Anton Petrus
Kiraŭnik Mikałajeŭskaj administracyi Vital Kim paviedamiŭ pra pažar u Mikałajevie. Vybuchi prahrymieli ŭ rajonie naftabazy la porta ŭ Mikałajevie, paśla čaho tam uźnik bujny pažar.
Amal praź dźvie hadziny paśla pieršych paviedamleńniaŭ ab vybuchach ułady Adeskaj i Mikałajeŭskaj abłaściej papiaredzili žycharoŭ ab mahčymaj rakietnaj atacy. Paśla hetaha miascovyja miedyja pačali paviedamlać ab «prylotach», u tym liku ŭ Adeskim porcie.
Adesa i Mikałajeŭ — najbujniejšyja partovyja harady pad kantrolem Ukrainy. Z Adeskaha marskoha porta, u pryvatnaści, vychodzili sudny ŭ ramkach zbožžavaj uhody, termin jakoj skončyŭsia 17 lipienia.
Apošni raz pra vybuchi ŭ Adesie ŭkrainskija miedyja paviedamlali tydzień tamu — 11 lipienia.