Rasija druhi raz za sutki ŭdaryła pa Charkavie, jość paciarpiełyja
Rasijskija vojski ŭ niadzielu ŭviečary nanieśli ŭdary pa Charkavie, viadoma pra čaćviarych paciarpiełych.
16.07.2023 / 19:54
Charkaŭ. Fota Getty Images
«Akupanty nanieśli ŭdary pa Charkavie. Profilnyja słužby vyjechali na miescy vyklikaŭ. Infarmacyja pra razbureńni i paciarpiełych udakładniajecca», — paviedamiŭ staršynia Charkaŭskaj abłasnoj administracyi Aleh Siniahubaŭ.
Mer Charkava Ihar Cierachaŭ paviedamiŭ, što papiarednie jość papadańni ŭ Asnavianskim rajonie.
Paźniej Siniahubaŭ paćvierdziŭ, što akupanty nanieśli ŭdary pa Asnavianskim rajonie Charkava. Pavodle papiarednich źviestak, jość čaćviora paciarpiełych.
Na miescy ŭdaraŭ pačaŭsia pažar.
Napiaredadni ŭ noč na 16 lipienia rasijskija vajskoŭcy abstralali Charkaŭ rakietami S-300, byli niaznačnyja razbureńni, ale biez paciarpiełych.
Čytajcie taksama:
U Łuhansku prahrymieli vybuchi. Rasijanie zajaŭlajuć pra vykarystańnie kasietnych bojeprypasaŭ
Ukrainskija vojski vyzvalili siało Staramajorskaje Danieckaj vobłaści. Voś što heta značyć