Za sutki ŭ lesie zhubilisia dźvie žančyny. Adnu znajšli, druhuju — nie
Cikava, što abiedźvie žančyny — ravieśnicy, jany 1949 hoda naradžeńnia.
15.07.2023 / 14:16
Fota: «Naša Niva»
14 lipienia ŭ 10:06 ratavalnikam pastupiła paviedamleńnie ab tym, što ŭ lesie kala v. Navasiołki Staradarožskaha rajona źnikła 74-hadovaja žančyna.
Dla pošukavych rabot byli zadziejničany vosiem adzinak techniki i 33 čałavieki, ź ich siem adzinak techniki i 24 rabotniki z MNS. Žančynu pakul nie znajšli, supracoŭnikami RAUS pravodziacca śledčyja mierapryjemstvy, piša BiełTA.
U hety ž dzień u 15:02 stała viadoma, što ŭ lesie kala v. Doŭhaje źnikła jašče adna 74-hadovaja žančyna.
Dla pošukavych rabot byli zadziejničany dzieviać adzinak techniki i 15 čałaviek, ź ich šeść adzinak techniki i 10 rabotnikaŭ z MNS. U 18:35 žančyna vyjšła ź lesu samastojna, u miedycynskaj dapamozie jana patreby nie mieła.