Ukraina za 10 dzion uładkavała na miažy ź Biełaruśsiu 30 minnych paloŭ
Za apošniuju dekadu červienia ŭkrainski bok uładkavaŭ 30 supraćtankavych minnych paloŭ i zaharod z vykarystańniem bolš za 5,8 tysiačy min.
13.07.2023 / 17:49
Fota: facebook.com/JointForcesCommandAFU
Akramia taho, uzdoŭž miažy abstalavali kala 5 tysiač mietraŭ tranšej i 6,5 tysiačy mietraŭ supraćtankavych ravoŭ, zbudavali 80 pierakrytych ščylin, chovanak i ahniavych pazicyj dla asabovaha składu, a taksama ahniavych pazicyj dla ciažkaj techniki.
Fota: facebook.com/JointForcesCommandAFU
«My razumiejem, što linija dziaržaŭnaj miažy z našymi paŭnočnymi susiedziami ŭ cyvilnym vyhladzie nam jašče doŭha nie spatrebicca, pakolki pa toj bok miažy siabroŭ u nas niama. Pastaŭlenaja zadača zrabić pamiežnuju pałasu dla voraha nieprachodnaj», — zajaviŭ kamandujučy Abjadnanych sił Ukrainy Siarhiej Najeŭ.
Fota: facebook.com/JointForcesCommandAFU
Pa słovach Najeva, takija miery praduchilać praniknieńnie na terytoryju Ukrainy dyviersijnych hrup i braniatankavaj techniki.
Čytajcie taksama:
Kijeŭ zajaviŭ pra ŭzmacnieńnie USU na biełaruskaj miažy
Minabarony rychtujecca pryniać na biełaruskich palihonach rasijskija padraździaleńni i vahnieraŭcaŭ