Na poŭdni Jeŭropy prahnazujecca niečuvanaja śpioka. Miescami +48,8°C
U jeŭrapiejskich krainach na ŭźbiarežžy Mižziemnaha mora pačynajecca samaja vialikaja śpioka za leta 2023 hoda. Pra heta paviedamlaje Bi-bi-si.
13.07.2023 / 08:54
Śpioka ŭ Rumynii ŭžo dasiahnuła +40°C. Fota: AP Photo/Andreea Alexandru
Chvala śpioki, jakuju prazvali «Cerbieram», nakryje častki Ispanii, Francyi, Italii, Hrecyi, Charvatyi i Turcyi. Tempieratura pavietra čakana pieravysić 40°C, a ŭ Italii miescami dapuskajuć navat 48.8°C.
U nastupnyja dni ŭ mnohich miescach mohuć zarehistravać novyja tempieraturnyja maksimumy.
Dla dziesiaci italjanskich haradoŭ, uklučajučy Rym i Fłarencyju, z-za śpioki abviaścili čyrvonaje papiaredžańnie.
Ekstremalnaja śpioka ŭ krainie ŭskosna ŭžo stała pryčynaj śmierci adnaho čałavieka — u horadzie Łodzi pad Miłanam ad ciepłavoha ŭdaru straciŭ prytomnaść 44-hadovy rabočy, jaki nanosiŭ darožnuju raźmietku. Mužčyna paśla pamior u balnicy. Paviedamlali taksama ab niekalkich turystach, jakija stracili prytomnaść praź śpioku.
Tempieraturnym maksimumam dla Jeŭropy zastajecca pakazčyk 48.8°C, jaki zarehistravali ŭ žniŭni 2021 hoda kala horada Sirakuzy na italjanskaj Sicylii.
Pavodle acenak śpiecyjalistaŭ, padčas rekordna haračaha dla Jeŭropy leta minułaha hoda z-za śpioki zahinuli bolš za 61 tysiačy čałaviek.
Daśledavańni pakazvajuć, što ŭ pracesie źmieny klimatu Jeŭropa nahravajecca ŭdvaja chutčej, čym u siarednim inšyja rehijony śvietu.
Čytajcie taksama:
3 lipienia staŭ samym haračym dniom na płaniecie ŭ historyi nazirańniaŭ