U 44 hady pamierła aktrysa teatra-studyi kinaakciora Łarysa Maršałava
U trupie teatra jana pracavała z 2001 hoda, zdymałasia ŭ kino, jak paviedamlaje «Lusterka».
12.07.2023 / 15:49
Łarysa Maršałava. Fota Darji Kiedy
Tvorčuju dziejnaść jana pačała z maleńkich rolaŭ. Ale, jak skazana na sajcie teatra, «u ich adrazu była prykmietnaja hłybinia charaktaraŭ i asabistaje, sapraŭdy žanočaje, zdolnaje stvaryć los — usio toje, što tak lubić i šanuje hladač».
«Rabotnica sceny, nadzvyčaj prystojnaja, prafiesijnaja, abaviazkovaja — jana zaŭsiody na ŭzroŭni režysiorskaj zadačy, zaŭsiody nacelenaja na rašeńnie žanravych i sensavych metaŭ svaich piersanažaŭ, zaŭsiody ŭ rečyščy vyraznaj maniery ŭsiaho ansambla śpiektakla», — paviedamlajecca na jaje staroncy.
U pastanoŭkach «Hanna Śniehina», «Jak vychodziać u ludzi, abo Na ŭsiakaha mudraca davoli prastaty», «Miechaničny čałaviek» i «№13» Łarysa Maršałava hrała hałoŭnyja roli.
Jana zdymałasia ŭ biełaruskich i rasijskich filmach i sieryjałach. Na rachunku aktrysy dziasiatki karcin. U 2022 hodzie vyjšaŭ biełaruski film «Zabaronienaja hrupa» ź jaje ŭdziełam, sioleta — rasijski mini-sieryjał «Sałaviejka».