Makron paabiacaŭ Zialenskamu techniku dla raźminavańnia
Prezident Ukrainy Uładzimir Zialenski sustreŭsia ŭ sieradu ŭ Vilni, «na palach» samitu NATO, z prezidentam Francyi Emanuelem Makronam i abviaściŭ paśla sustrečy, što Makron paabiacaŭ pieradać Ukrainie techniku dla raźminavańnia.
12.07.2023 / 15:35
Emanuel Makron i Uładzimir Zialenski. Fota: Ofis prezidenta Ukrainy
«Prainfarmavaŭ pra situacyju na poli boju ciapier. Abmierkavali dalejšuju abaronnuju padtrymku. Jašče raz dziakuju za kožnuju adzinku zbroi, a asabliva — za dalnabojnuju zbroju. Budzie i dadatkovaje inžyniernaje abstalavańnie dla raźminavańnia», — napisaŭ Zialenski ŭ tvitary.
Francyja na hetym tydni abviaściła, što pieradaść Ukrainie kryłatyja rakiety SCALP — francuzski anałah rakiet Storm Shadow, jakija ŭžo pieradała Ukrainie Vialikabrytanija.
Čytajcie taksama: