U Minsku vystavili na prodaž jašče adnu zapraŭku «Trajpła»
AZS, što naležyć kampanii apalnaha biznesmiena Juryja Čyža «Trajpł», jakaja znachodzicca ŭ pracedury bankructva, budzie pradadzienaja na tarhach 4 žniŭnia. Infarmacyja pra heta raźmieščanaja na sajcie ZAT «Biełrealizacyja».
10.07.2023 / 15:59
Pačatkovaja cana abjekta składaje 3 277 138,8 rubla. U čas tarhoŭ jana moža być źmienšanaja da prykładna 2,95 młn. Z abciažarańniaŭ u dakumientach zhadvajecca dźvie dziejnyja damovy arendy.
AZS raźmieščanaja ŭ Minsku pa adrasie vuł. Hierojaŭ Stalinhrada, 2. Akramia aŭtazapravačnaha kompleksu, u jaje skład uvachodzić taksama aŭtamyjka i handlovaje abstalavańnie.
U červieni na prodaž było vystaŭlena jašče dźvie aŭtazapravačnyja stancyi, jakija naležali kampanii «Trajpł», raźmieščanyja na trasie M-1.
Čytajcie taksama:
Juryj Čyž viarnuŭ pad svajo kiravańnie hałoŭny aktyŭ siamji ŭ Rasii
Viadomaje ŭsim kafe ŭ samym centry Minska vystavili na prodaž. Cana — bolš za 2 miljony dalaraŭ
Čyž: Pakul ja siadzieŭ, siamja skarystałasia situacyjaj i zavałodała biznesam