Žurnalistam na samicie NATA dorać čypsy skandalnaha vytvorcy, łyžku miodu i cišotki ź iraničnymi nadpisami pra Vilniu
Žurnalisty, akredytavanyja na samit NATA ŭ Vilni, atrymlivajuć pa dva pakunki padarunkaŭ. U ich zazirnuli žurnalisty «15min.lt».
10.07.2023 / 15:06
Padarunki žurnalistam, akredytavanym na samicie NATA. Fota: «15min.lt»
Žurnalisty, jakija pryjazdžajuć u budynak Litexpo, dzie buduć źbiracca lidary zachodnich krain, atrymlivajuć pa dva pakiety padarunkaŭ. U adnym — roznyja pradukty, siarod jakich — dva pački čypsaŭ Chazz. Hetym razam — sa smakam chaładniku i ŭkrainskaha baršču. Ale raniej litoŭski vytvorca staŭ skandalna znakamitym nie tolki ŭ Litvie, kali vypuściŭ čypsy sa smakam pochvy i čelesa.
Taksama ŭ pakunkach dla žurnalistaŭ — butelka vady, biarozavy sok, jahadnyja prysmaki, ciomny šakaład z ukrainskim hierbam na ŭpakoŭcy, maleńkaja łyžka miodu.
Akramia taho, žurnalisty atrymali cišotki z nadpisam z adnaho boku «Ja nie viedaŭ, dzie Vilnia. Na ščaście, tam prachodziŭ samit NATA» i nadpisam «Vilnia nievierahodna cudoŭnaja» — ź inšaha.