Za 500 dzion vajny RF nie dasiahnuła nivodnaj pastaŭlenaj mety va Ukrainie — ISW
Instytut vyvučeńnia vajny kanstatuje, što Rasija za 500 dzion poŭnamaštabnaha ŭvarvańnia nie zmahła dasiahnuć va Ukrainie nivodnaj zapłanavanaj mety.
09.07.2023 / 08:16
Ministr abarony RF Siarhiej Šajhu (źleva) i kamandujučy Zachodniaj vajennaj akruhaj Jaŭhien Nikifaraŭ. Fota: Russian Defense Ministry Press Service via AP
«500 dzion tamu Rasija pačała niespravakavanuju zachopnickuju vajnu suprać Ukrainy. Rasijskija vajskoŭcy mieli namier uziać Kijeŭ na praciahu troch dzion, ale nie zmahli dasiahnuć nivodnaj z namiečanych met va Ukrainie.
Rašučaje i ŭmiełaje supraciŭleńnie ŭkraincaŭ spyniła šmatlikija rasijskija nastupy, u tym liku na Kijeŭ, i vyzvaliła Sumskuju i Čarnihaŭskuju vobłaści, a taksama častki Charkaŭskaj, Mikałajeŭskaj i Chiersonskaj abłaściej, jakija byli časova zachoplenyja rasijskimi vojskami.
Ukrainskija vojski zabiaśpiečyli inicyjatyvu i pravodziać kontrnastupalnyja apieracyi ŭzdoŭž bolšaj častki frontu tady, jak rasijskija vojski amal całkam kancentrujucca na sprobach utrymać ukrainskija ziemli, jakija jany ŭsio jašče kantralujuć».
U ISW adznačyli, što dziakujučy dapamozie Zachadu Ukraina zabiaśpiečyła svaju niezaležnaść, adnak pierad joj staić krytyčna važnaja zadača vyzvaleńnia stratehična važnych terytoryj, jakija ŭsio jašče znachodziacca pad kantrolem RF.
Z pačatku poŭnamaštabnaha rasijskaha ŭvarvańnia amal 50 tysiač ukrainskich voinaŭ adznačyli dziaržaŭnymi ŭznaharodami, siarod ich 298 abaroncam prysvoili zvańnie Hieroja Ukrainy.