U Słucku pjanaha biaspraŭnika zatrymlivali sa stralaninaj
U Słucku niećviarozaha kiroŭcu Audi milicyi daviałosia zatrymlivać sa stralboj, amal jak u pryhodnickim bajeviku, jak paviedamiła UUS Minabłvykankama.
08.07.2023 / 16:07
Pačałosia ŭsio z taho, što ŭ słuckuju milicyju amal adnačasova patelefanavali niekalki miascovych žycharoŭ, jakija paviedamili, što bačyli aŭtamabil, jaki vichlaŭsia pa darozie. Tyja, chto telefanavaŭ, vykazali zdahadku, što kiroŭca byŭ pjany.
Narad DAI, jaki vyjechaŭ pa vykliku, zaŭvažyŭ Audi, jaki pa prykmietach padychodziŭ pad apisańnie. Patrabavańni milicyjantaŭ ab spynieńni kiroŭca praihnaravaŭ i pasprabavaŭ uciačy. Aŭtamabil vichlaŭ, parušaŭ chutkasny režym i stvaraŭ niebiaśpieku dla navakolnych.
Parušalnika ŭdałosia spynić, prastreliŭšy ŭ jahonaj mašynie koły. Vyjaviłasia, što za rulom siadzieŭ 23-hadovy mužčyna biez pravoŭ na kiravańnie mašynaj, u kryvi jakoha vyjavili 2,2 pramile ałkaholu. Raniej jon užo pryciahvaŭsia da adkaznaści za padobnyja parušeńni.
Čytajcie taksama:
Ź vinavatych u DTZ spahaniajuć hrošy za vyklik chutkaj i lačeńnie paciarpiełych
Piacimiesiačnaje dzicia paciarpieła ŭ DTZ u Minsku
U Polščy pieraviarnuŭsia aŭtobus ź biełaruskimi turystami. 11 čałaviek u balnicy