Беларусаў дапусцілі да Азіяцкіх гульняў, на якіх яны пройдуць кваліфікацыю да Алімпіяды-2024
Беларускія і расійскія спартсмены выступяць на сёлетніх Азіяцкіх гульнях у Ханчжоу.
08.07.2023 / 13:26
Каля 500 спартсменаў з Расіі і Беларусі выступяць на Азіяцкіх гульнях, на якіх змогуць прайсці кваліфікацыю на Алімпіяду-2024.
На Азіяцкіх гульнях яны будуць выступаць у нейтральным статусе і не змогуць спаборнічаць за медалі.
Турнір пройдзе з 23 верасня да 8 кастрычніка, паведамляе Трыбуна.
З-за вайны ва Украіне беларускія спартоўцы пакуль збольшага пазбаўленыя магчымасці браць удзел у адборы да Алімпіяды-2024, што пройдзе ў Парыжы. Напрыклад, беларусаў не дапусцілі да Еўрапейскіх гульняў у Кракаве, дзе разыгрываюцца ліцэнзіі на Алімпіяду. Зараз, здаецца, пытанне адбору будзе вырашанае.