Śviatłana Cichanoŭskaja sustrełasia z premjer-ministram Italii
Sustreča adbyłasia ŭ Pałaca Kidžy — aficyjnaj rezidencyi italjanskich premjer-ministraŭ. Premjerka Italii zapeŭniła Śviatłanu Cichanoŭskuju ŭ poŭnaj padtrymcy biełaruskaha demakratyčnaha ruchu, paviedamlaje pres-słužba nacyjanalnaha lidara Biełarusi.
07.07.2023 / 13:28
Śviatłana Cichanoŭskaja i Džordža Miełoni. Fota: governo.it
Padčas pieramoŭ abmierkavali stratehiju pa vyzvaleńni palityčnych viaźniaŭ, abaronie biełaruskaj niezaležnaści i izalacyi režymu Łukašenki.
Śviatłana Cichanoŭskaja padziakavała Italii za padtrymku represavanych, za vydaču viz, za toje, što Italija raździalaje režym i biełarusaŭ i nie pryznaje Łukašenku prezidentam.
Taksama byŭ abmierkavany miechanizm pryciahnieńnia režymu da adkaznaści za złačynstvy suprać čałaviečnaści i za vykradańnie ŭkrainskich dziaciej. Cichanoŭskaja adznačyła, što nadzvyčaj važna, kab Biełaruś była zhadanaja ŭ dyskusijach padčas samitu NATO i ŭ vynikovaj dekłaracyi.
«Heta była važnaja sustreča. Lidarka Italii budzie padymać pytańnie Biełarusi na mižnarodnaj arenie. Ja baču jaje rašučaść, baču, što jana vydatna razumieje našu situacyju i hatovaja dapamahać nie tolki na słovach, ale i spravami. Siońnia my zajmieli jašče adzin mocny hołas u padtrymku svabodnaj i niezaležnaj Biełarusi», — skazała Śviatłana Cichanoŭskaja.
Śviatłana Cichanoŭskaja i Džordža Miełoni. Fota: governo.it