«Бясконцымі этапамі хочуць канчаткова высмактаць сілы і здароўе». Паліну Шарэнду-Панасюк этапавалі з «Навінак»
«Паліна этапаваная з «Навінак» на Валадарку. Хутчэй за ўсё, псіхіятрычная экспертыза скончылася. Але нам нічога не вядома пра яе вынікі, таксама нам нічога не вядома аб стане здароўя Паліны», — напісаў яе муж Андрэй Шарэнда ў фэйсбуку.
06.07.2023 / 13:27
Фота: фэйсбук Андрэя Шарэнды
«Для Паліны пачаўся ўжо шосты цяжкі этап. Гэта два-тры тыдні дарогі, бясконцыя вобшукі, распаленыя ад спёкі аўтазакі і рукі, анямелыя ад кайданкаў. Такое адчуванне, што бясконцымі этапамі хочуць канчаткова высмактаць сілы і здароўе.
Роўна праз месяц, 6 жніўня, у Паліны заканчваецца ўжо другі прысуджаны ёй тэрмін зняволення. Зразумела, што яе не выпусцяць, а будуць зноў судзіць. Такім чынам, тэрмін зняволення для Паліны становіцца бясконцым», — дадаў ён.
***
Паліну Шарэнду-Панасюк затрымалі на пачатку студзеня 2021 года і асудзілі на два гады пазбаўлення волі, абвінаваціўшы ва ўжыванні гвалту ў дачыненні да міліцыянтаў і іх абразе, а таксама ў абразе Аляксандра Лукашэнкі. На волю яна павінна была выйсці летам.
Але ў мінулым годзе яе асудзілі па арт. 411 КК да яшчэ аднаго года калоніі. У красавіку 2023 года супраць жанчыны завялі ўжо новую справу — за «злоснае непадпарадкаванне адміністрацыі калоніі».
Чытайце таксама:
Палітзняволеную Паліну Шарэнду-Панасюк везлі з калоніі ў СІЗА на Валадарскага 18 сутак
Паліну Шарэнда-Панасюк працягваюць утрымліваць у карцары. За год яна правяла там 200 сутак
Палітзняволеную Шарэнда-Панасюк за два з паловай месяцы чацвёрты раз упяклі ў ШІЗА