U Polščy pieraviarnuŭsia aŭtobus ź biełaruskimi turystami. 11 čałaviek u balnicy
Aŭtobus ź biełaruskimi turystami pieraviarnuŭsia ranicaj 5 lipienia niedaloka ad polskaha horada Ciarespal. Pra incydent paviedamili padpisčyki telehram-kanała «Miaža Biełaruś — ES», jak zaŭvažyła «Lusterka».
05.07.2023 / 10:40
U Polščy pieraviarnuŭsia aŭtobus z turystami ź Biełarusi, 5 lipienia 2023 hoda. Fota: granica_bypl / Telegram
«Budźcie akuratnyja, tolki adjechaŭ ad miažy aŭtobus i loh u kiuviet», — napisaŭ vidavočca.
Pavodle papiarednich źviestak, kiroŭca nie spraviŭsia z kiravańniem na pavarocie. U aŭtobusie jechali 49 čałaviek, 11 ź ich špitalizavali. Jašče 17 pasažyram dapamohu akazali na miescy.
Karystalniki paviedamlajuć, što aŭtobus homielski. Jon skiroŭvaŭsia ŭ Modlin — aeraport pad Varšavaj.