Palitviaźnia Andreja Sačeŭku ŭ kałonii źmiaścili ŭ ŠIZA, užo na 20 sutak
Pavodle infarmacyi mahiloŭskaha pravaabarončaha kanała MaydayMog, palitviaźnia Andreja Sačeŭku z 19 červienia administracyja Babrujskaj kałonii źmiaściła ŭ ŠIZA na 10 sutak, a paźniej praciahnuła termin jašče na 10 sutak.
01.07.2023 / 19:52
Paviedamlajecca, što ŭ atrad, u jakim znachodzicca palitviazień, pryjšoŭ supracoŭnik kałonii Navičychin i adkryta zajaviŭ, što troje čałaviek, u tym liku i Andrej, źmiaščajucca ŭ ŠIZA.
U vieraśni 2022 hoda Andreja asudzili da 6 hadoŭ kałonii za kamientary ŭ adnym z hrodzienskich telehram-kanałaŭ pavodle č. 1 art. 130 i č. 1 art. 293 Kryminalnaha kodeksa.
Viadoma, što jon napisaŭ kamientary ŭ noč z 11 na 12 žniŭnia 2020 hoda, kali išli žorstkija razhony pratestoŭcaŭ.
Viadoma, što palitviazień maje razład asoby.
Čytajcie taksama:
Palitviaźnia Ihara Alinieviča amal miesiac utrymlivali ŭ ŠIZA
«Nie bili — i toje dobra». Mahiloŭski muzykant Alaksandr Bal na voli