Шматдзетныя цяпер змогуць працаваць на гадзіну менш
Сёння Аляксандр Лукашэнка падпісаў закон аб днях для дыспансерызацыі і скарочанай працы для шматдзетных.
30.06.2023 / 12:03
Фота: «Наша Ніва»
У ліку новаўвядзенняў — права аднаму з бацькоў траіх і больш дзяцей або дзіцяці-інваліда замест дадатковага выхаднога дня ў тыдзень выбраць скарачэнне штодзённай працы на адну гадзіну, піша Onliner.by.
15 мая міністр працы і сацыяльнай абароны Ірына Касцевіч распавядала, што ў Беларусі можа быць прынятая норма аб скарочаным працоўным дні для шматдзетных сем'яў.
«Мяркую, у бліжэйшы час будзе прынята норма аб скарочаным працоўным дні на адну гадзіну для шматдзетных бацькоў з тым, каб вырашыць сямейна-бытавыя праблемы. Таму чуем, прыслухоўваемся і максімальна стараемся рухацца», — казала міністарка.
Чакаецца, што гэтая норма будзе падтрымліваць сем'і з дзецьмі і стымуляваць нараджальнасць.