Źbity vahnieraŭcami samalot Ił-22M niehatyŭna paŭpłyvaje na apieracyi armii RF i maralny duch lotčykaŭ — brytanskaja raźviedka
Brytanskaja raźviedka miarkuje, što strata niekalkich adzinak avijacyi padčas miaciažu PVK «Vahnier» demaralizavała rasijskija PKS, i kanstatuje doŭhaterminovyja niehatyŭnyja nastupstvy dla rasijskaj avijacyi praz toje, što byŭ źbity Ił-22M.
29.06.2023 / 10:18
Pra heta havorycca ŭ ahladzie Ministerstva abarony Vialikabrytanii ab rasijska-ŭkrainskaj vajnie ad 29 červienia, paviedamlaje «Jeŭrapiejskaja praŭda».
Raźviedka nahadvaje paviedamleńnie ab tym, što 24 červienia vahnieraŭcy padčas miaciažu źbili niekalki rasijskich vajskovych viertalotaŭ i pavietrany kamandny punkt Ił-22M.
«Ił-22M — składnik adnosna nievialikaha pavietranaha fłotu kolkaściu da 12 samalotaŭ, jakija aktyŭna vykarystoŭvalisia jak dla kamandavańnia, tak i dla radyjorelejnych zadač. Hetyja śpiecsamaloty da hetaha času ihrali klučavuju rolu ŭ kiraŭnictvie rasijskimi siłami ŭ vajnie suprać Ukrainy. Jak asabliva kaštoŭnyja, jany dziejničali ź biaśpiečnaj zony rasijskaj pavietranaj prastory, daloka pa-za zonaj dasiažnaści ŭkrainskich sistem SPA», — adznačaje raźviedka.
Analityki miarkujuć, što strata hetaha samalota niehatyŭna adabjecca na dalejšych dziejańniach sił RF u pavietry i na ziamli.
«U karotkaterminovaj pierśpiektyvie psichałahičny šok ad straty takim čynam takoj kolkaści latalnych aparataŭ amal dakładna ŭdaryć pa maralnym duchu PKS.
U doŭhaterminovaj pierśpiektyvie jość imaviernaść, što dla biaśpiečnaha kiravańnia tym fłotam, što zastajecca, abjom zadač daviadziecca skaracić, u paraŭnańni ź biahučym. A heta, mahčyma, paŭpłyvaje na zdolnaść Rasii kaardynavać svaje siły, asabliva padčas apieracyj vysokaj intensiŭnaści», — adznačajuć u ahladzie.
Na borcie Ił-22M było 10 čałaviek. Usie jany zahinuli.