Załužny: Nam udałosia pierachapić stratehičnuju inicyjatyvu, jość prasoŭvańnie
Siły abarony Ukrainy zmahli pierachapić stratehičnuju inicyjatyvu na froncie i prasoŭvajucca napierad, paviedamiŭ hałoŭnakamandujučy USU Valeryj Załužny padčas telefonnaj razmovy sa staršynioj Abjadnanaha kamiteta načalnikaŭ štaboŭ ZŠA hienierałam Markam Mili.
29.06.2023 / 07:24
Fota: Hienštab USU
«Abmierkavali situacyju na froncie. Nam udałosia pierachapić stratehičnuju inicyjatyvu, siły biaśpieki i abarony Ukrainy praciahvajuć viadzieńnie nastupalnych dziejańniaŭ, majem prasoŭvańnie. Praciŭnik akazvaje surjoznaje supraciŭleńnie, adnačasova niasie vialikija straty. Sprabuje ŭtrymacca na pazicyjach za košt sucelnaha miniravańnia miascovaści», — napisaŭ Załužny ŭ svaim telehram-kanale.
Taksama jon raspavioŭ Mili pra aktualnyja patreby USU va ŭzbrajeńni, bojeprypasach i srodkach raźminiravańnia i padziakavaŭ za pakiet vajskovaj dapamohi, pra jaki ZŠA abviaścili napiaredadni.
«Damovilisia i nadalej zastavacca na suviazi i kaardynavać dziejańni dla deakupacyi ŭkrainskaj terytoryi», — padsumavaŭ hałoŭnakamandujučy USU.
Čytajcie taksama:
Reziervy na froncie jašče nie zadziejničanyja, i jość pośpiechi, jakija pakul nie vydajuć — Reźnikaŭ
Hałoŭnakamandujučy armii ZŠA zajaviŭ pra pieršyja pośpiechi ŭkrainskaha kontrnastupleńnia
«Niekatoryja ličać, što heta halivudski film». Zialenski rastłumačyŭ, čamu ciažka idzie kontrnastup