Prezident Polščy nazvaŭ pierajezd «vahnieraŭcaŭ» u Biełaruś «niehatyŭnymi sihnałami»
Prezident Polščy Andžej Duda źbirajecca havaryć pra situacyju ŭ Biełarusi z sajuźnikami pa NATA, kali budzie pravodzić kansultacyi ŭ Haazie napiaredadni vilenskaha samitu, jak paviedamiła «Polskaje pres-ahienctva».
27.06.2023 / 22:39
Andžej Duda. Fota: AP Photo/Alessandra Tarantino
«My bačym, što adbyvajecca na ŭschodzie, — skazaŭ Duda. — Tam praciahvajecca de-fakta pierajezd u Biełaruś rasijskich vojskaŭ, hrupy «Vahniera» ź jaje kiraŭnikom Jaŭhienam Pryhožynym. Heta vielmi niehatyŭnyja sihnały dla nas, jakija my chočam pakazać našym sajuźnikam».
Prezident Polščy adznačyŭ, što budzie pryvodzić pazicyju «kaleham z zachadu Jeŭropy» razam z prezidentami Rumynii i Litvy. Havorka budzie iści pra ŭzmacnieńnie biaśpieki Polščy, krain Bałtyi i Rumynii.
«Abarončyja płany pavinny być bolš efiektyŭnymi: chutčej reahavać, chutčej pieradysłakavać bataljonnyja hrupy, jakija znachodziacca ŭ našaj častcy Jeŭropy», — skazaŭ Duda.
Čytajcie taksama: