Rashvardyja atrymaje ciažkaje ŭzbrajeńnie i tanki
U Rashvardyi źjavicca ciažkaje ŭzbrajeńnie i tanki, jak zajaviŭ kiraŭnik viedamstva Viktar Zołataŭ. Jaho słovy pieradajuć «RIA Novosti».
27.06.2023 / 14:17
Kiraŭnik Rashvardyi Viktar Zołataŭ.Mikhail Svetlov / Getty Images
Pavodle Zołatava, pytańnie ab novym uzbrajeńni Rashvardyi jany ŭžo abmiarkoŭvali z Pucinym.
Pracu siłavych struktur padčas vajskovaha buntu jon acaniŭ jak vydatnuju.
Chutkaje prasoŭvańnie PVK «Vahnier» pa krainie Zołataŭ patłumačyŭ kancentracyjaj sił kala Maskvy.
«Na tym etapie my kancentravali ŭsie kułaki i siły jakraz na podstupach da Maskvy. Tamu što kali raskidvać hrupoŭki, jany b [najmity] prajšli jak nož skroź masła», — skazaŭ Zołataŭ.
Pavodle kiraŭnika Rashvardyi, jon pastajanna byŭ na suviazi z Pucinym padčas vahnieraŭskaha miaciažu.
Lubyja pravakacyi ŭ Maskvie, kali b jany paŭstali na fonie buntu, pavodle Zołatava, byli b zadušanyja.
«My viedali, što pieramožam, Maskvu miaciežniki nie ŭziali b», — skazaŭ jon.
Pavodle Zołatava, infarmacyja pra padrychtoŭku buntu pastupała «sa stanu Pryhožyna», nazyvalisia daty z 22 pa 25 červienia.
Na dumku kiraŭnika Rashvardyi, vahnieraŭski miaciež byŭ inśpiravany Zachadam i nakłaŭsia na ambicyi Pryhožyna.
Čytajcie taksama:
Samalot Pryhožyna pryziamliŭsia ŭ Mačuliščach — «Hajun»
Łukašenka zajaviŭ, što ŭ subotu pryvioŭ vojski ŭ poŭnuju bojehatoŭnaść