«Dyktatar, jaki, nibyta pacuk, raznosić niebiaśpiečnyja zachvorvańni». Ukrainskija pamiežniki źviarnulisia da biełaruskaha boku
U telehram-kanale vydańnia «Ukrainskaja praŭda» źjaviŭsia rolik sa zvarotam ukraincaŭ da biełaruskaha boku, zapisany kala byłoha punkta propusku «Novaja Rudnia» i vioski Słaviečna Jelskaha rajona, na moście cieraz raku Žałoń, pa jakoj prachodzić dziaržaŭnaja miaža.
24.06.2023 / 15:41
Zvarot całkam zapisany pa-biełarusku, pryvodzim jaho rasšyfroŭku:
«Niešanoŭnyja nietavaryšy, vašyja niaščasnyja IPSA [infarmacyjna-psichałahičnyja śpiecapieracyi] na miažy — heta haŭno. Vašy sproby pierakanać, što vy dobryja i mirnyja susiedzi, — jašče bolšaje haŭno. I haŭno — kali ty buduješ svaju budučyniu na kryvi i pahrozach.
U nas niama ni času, ni žadańnia vam niešta dakazvać, idzicie vy za ruskim karablom, spadziajusia, vam znajomy hety kirunak.
Ale pačakajcie. Ukraincy — nacyja, jakaja, u adroźnieńnie ad vas, abaraniaje svaju identyčnaść. My zmahajemsia za svaju svabodu i identyčnaść, jakija, na žal, vy, jak padchalimy nieaimpierskich źviaruh, dapamahajecie niščyć. Pierakonvajučy ŭ miry i siabroŭstvie, Biełaruś padtrymała krainu-terarystku i dazvoliła praz svaju terytoryju rasijskim vojskam uvajści va Ukrainu.
Zrazumieŭšy niepaźbiežnaść pakarańnia, vy apraŭdvajeciesia. Nienadoŭha. Vy razmachvajecie mifičnymi kartami, nibyta viedajecie, dzie rychtujecca napad na Biełaruś, i havorycie pra svajo čystaje sumleńnie, a potym kažacie, što vajnu suprać Ukrainy treba było pačać raniej. Cynična.
Zrešty, vašy rasijskija haspadary praktykujuć heta ŭžo bolš za stahodździe: učyniajuć vajennyja złačynstvy, a potym sprabujuć ich schavać, pierakłaści vinu na inšych.
Tamu, zaprašajučy ŭkraincaŭ pad dach Biełarusi, viedajcie, što vaš biełaruski dach źniesła, vy całkam pad upłyvam Rasii i prapahandy. Nie sprabujcie pierakrucić historyju — nie atrymajecca. Stolki falsifikacyj u biełaruskich padručnikach.
Chto choča vajavać suprać ukraincaŭ, toj nie biełarus, bo sapraŭdnyja biełarusy vystupajuć suprać svavolstva biełaruskaha dyktatara, jaki, nibyta pacuk, raznosić niebiaśpiečnyja zachvorvańni. Zyčym narodu Biełarusi stać svabodnym! Majcie volu skinuć dyktatarskaje jarmo i vyhnać rasijskich zachopnikaŭ sa svajoj ziamli — tolki tak vy zmožacie raskvitnieć jak sapraŭdnaja nacyja.
Ukraina nie vajuje ź Biełaruśsiu, padtrymlivaje ŭsie namahańni dla ŭstalavańnia ŭ vas demakratyi. Pazbaŭciesia ad šabłonu ciarpił, zhodnych na ŭsio, bo inakš vas čakaje trahiedyja.
Adnak, kali chtości pasprabuje pryjści da nas z vajnoj, nie zabyvajciesia pra našy nieadnarazovyja pieraściarohi. Jany ŭžo pałochajuć biełaruskich pamiežnikaŭ, a pra vašu ŭmiełuju stralbu i kazać śmiešna.
Pierasiakajučy miažu sa zbrojaj u rukach, abaviazkova biarycie z saboju muku, pra jakuju vy niadaŭna zhadvali, bo jana vam spatrebicca, kali my budziem rabić z vas kłasičnyja biełaruskija draniki».
U kadr traplaje bieła-čyrvona-bieły ściah, vyviešany z ukrainskaha boku zabłakavanaha pamiežnaha pierachoda pobač ź dziaržaŭnym ściaham Ukrainy. Heta raniej užo vyklikała nieadekvatnuju reakcyju byłoha staršyni Pamiežnaha kamiteta Biełarusi Anatola Łapo.