Čym ciapier zaniaty Viktar Łukašenka?
Učora apoŭnačy «Motolko Pomohi» paviedamiŭ, što biznesdžet, jaki vykarystoŭvaje siamja Łukašenkaŭ, u 00:01 vylecieŭ ź Minska. Chto na im byŭ, nieviadoma. Ale ciapier jasna, dzie znachodzicca starejšy syn Łukašenki.
24.06.2023 / 14:16
Fota: MAK
Viktar Łukašenka ŭ jakaści prezidenta Nacyjanalnaha alimpijskaha kamiteta Biełarusi ŭ subotu ŭdzielničaje ŭ cyrymonii ŭračystaha adkryćcia ŭ Hłybokim spartyŭna-kulturnaha fiestyvalu «Vytoki. Krok da Alimpu».
Tam jon uručyŭ siertyfikat na 100 tysiač rubloŭ na raźvićcio spartyŭnaj infrastruktury rajona staršyni Hłybockaha rajvykankama, piša BiełTA.
Viktar Łukašenka na fiestyvali adznačyŭ, što Hłybokaje možna nazvać adnoj z žamčužyn Viciebskaj vobłaści, i parekamiendavaŭ moładzi bolš uvažliva pastavicca da kožnaha vidu sportu, naviedać jak maha bolš placovak i vybrać dla siabie prydatnuju dyscyplinu.
Jon aznajomiŭsia taksama sa spartovaj infrastrukturaj Hłybokaha.