«Удар у спіну». Пуцін выступіў са зваротам да вайскоўцаў і насельніцтва
Відэазварот прэзідэнта Расіі Уладзіміра Пуціна паказалі ў эфіры «Першага канала».
24.06.2023 / 10:12
«Расія вядзе цяжкую барацьбу за сваю будучыню», — сказаў Пуцін.
Ён заклікаў усім згуртавацца.
«Гэта бітва, калі вырашаецца лёс нашага народа, патрабуе адзінства ўсіх нашых сіл».
Мяцеж Прыгожына Пуцін назваў «адступніцтвам», «ударам у спіну», «здрадай».
«Непамерныя амбіцыі і асабістыя інтарэсы прывялі да здрады», — заявіў ён.
Ён дадаў, што дзеянні рэжыму ў адказ будуць жорсткія і датычныя да мяцежу будуць пакараныя. «Узброеныя сілы і іншыя дзяржаўныя органы атрымалі загады».
«Сітуацыя ў Растове-на-Доне застаецца складанай», — сказаў ён пра Растоў, які захапілі вагнераўцы
«Пераадолеем любыя выпрабаванні, станем яшчэ мацней», — сказаў Пуцін напрыканцы звароту.