Mužčynu adpravili za kraty za padpisku ŭ «Adnakłaśnikach» na staronku «Viasny»
U sudzie Loźnienskaha rajona 9 červienia asudzili na 15 sutak miascovaha žychara, jakoha abvinavacili ŭ «raspaŭsiudzie ekstremisckich materyjałaŭ» (č. 2 art. 19.11 KaAP) i «niepadparadkavańni milicyjantu» (art. 24.3 KaAP).
23.06.2023 / 14:33
Pavodle pratakoła, mužčyna na svajoj staroncy ŭ «Adnakłaśnikach» «zachoŭvaŭ u adkrytym dostupie z metaj raspaŭsiudu» internet-staronku z nazvaj «Pravaabarončy centr Viasna», jak paviedamlaje telehram-kanał pravaabaroncaŭ.
Kali supracoŭniki milicyi chacieli pa pastanovie prakurora pravieści ahlad kvatery pa miescy žycharstva, toj raźbiŭ svoj telefon. Na sudzie paviedamiŭ, što zrabiŭ heta nienaŭmysna, a «ekstremisckija materyjały nie źbiraŭsia raspaŭsiudžvać». Sudździa Alena Šarec asudziła jaho da 15 sutak administracyjnaha aryštu.
Nahadvajem, što pierasyłka «ekstremisckich materyjałaŭ» u pryvatnych paviedamaleńniach u lubych miesiendžarach kvalifikujecca jak art. 19.11 KaAP, pavodle jakoha vas mohuć aryštavać abo aštrafavać.