Dźvie partyi prajšli pierarehistracyju ŭ Miniuście
Libieralna-demakratyčnaja partyja Biełarusi i Kamunistyčnaja partyja Biełarusi prajšli pierarehistracyju ŭ Ministerstvie justycyi, jak piša BiełTA.
23.06.2023 / 11:33
Siarhiej Chamienka. Fota: BiełTA
Siońnia ministr justycyi Siarhiej Chamienka ŭručyŭ lidaram Libieralna-demakratyčnaj partyi Biełarusi i Kamunistyčnaj partyi Biełarusi dakumienty, jakija paćviardžajuć ich pierarehistracyju. Hetyja palityčnyja partyi, pavodle ŭładaŭ, adpaviadajuć patrabavańniam, vyznačanym u novaj redakcyi zakona Respubliki Biełaruś «Ab palityčnych partyjach».
«Jość słovy, skazanyja Alaksandram Łukašenkam, jakija stali stratehijaj raźvićcia našaj krainy, — žyć treba pa zakonie. I siońniašniaja padzieja jašče raz padkreślivaje, što žyć pa zakonie nieabchodna va ŭsich śfierach. A śfiera palityčnaha budaŭnictva — adna z asnoŭnych dla raźvićcia našaj dziaržavy, — adznačyŭ Siarhiej Chamienka. — Siońnia pa vynikach pracy pa praviercy dakumientaŭ i realnaści praviedzienych dziejańniaŭ prajšła pierarehistracyja dźviuch palityčnych partyj: Libieralna-demakratyčnaj partyi Biełarusi i Kamunistyčnaj partyi Biełarusi».
Raniej stała viadoma, što nie budzie pierarehistravanaja partyja «Zialonyja», jakaja padała dakumienty bieź piersanalnych danych. Taksama nie padavała śpisy siabroŭ partyja «Spraviadlivy śviet». Dakumienty na rehistracyju padała novastvoranaja partyja «Biełaja Ruś» i «Biełaruskaja sacyjał-demakratyčnaja hramada» Siarhieja Čeračnia.
Čytajcie taksama:
Ministerstva justycyi admoviła pieršaj partyi ŭ pierarehistracyi
«Havorki pra sychod u padpolle niama». Lidary palityčnych partyj ahučyli svaje płany