«Štadler» pakidaje biełaruski rynak — ministr transpartu Litvy
Ministr transpartu Litvy Marus Skuodzis paviedamiŭ, što šviejcarski kancern «Štadler» vyrabić dla kampanii LTG Cargo 15 akumulatarnych elektraciahnikoŭ na sumu bolš čym u 200 miljonaŭ jeŭra. Pry hetym, pavodle jaho, nivodnaja detal nie budzie vyrablacca na zavodzie ŭ biełaruskim Fanipali i ŭvohule pradpryjemstva pakidaje Biełaruś, jak paviedamlaje LRT.
22.06.2023 / 19:02
Fota ilustracyjnaje
«Nakolki ja viedaju z ahulnaj infarmacyi, vytvorčaść tam spyniłasia, kampanija pajšła adtul abo znachodzicca ŭ pracesie adychodu», — skazaŭ litoŭski čynoŭnik.
Sam šviejcarski vytvorca pra svoj adychod ź biełaruskaha rynku pakul aficyjna nie paviedamlaŭ.
Biełaruski filijał šviejcarskaha kancerna (AAT «Štadler Minsk») byŭ adkryty ŭ 2014 hodzie ŭ Fanipali Dziaržynskaha rajona. Pastaŭki pradukcyi adsiul byli naładžanyja ŭ krainy Jeŭropy, Azii i Łacinskaj Amieryki.
Čytajcie taksama:
«Štadler» nie źbirajecca sychodzić ź Biełarusi, kivajučy na intaresy «nasielnictva ŭ cełym»
Pasoł Kruty: Praz hod-dva ŭsie maršruty buduć pieraaryjentavanyja na rasijski kirunak