U Litvie školny ispyt pa biełaruskaj movie zdajuć 5 vypusknikoŭ. Ale letaś nie było nivodnaha
Ispyt pa rodnaj movie składajecca z «zadańniaŭ na razumieńnie i farmavańnie tekstu», taksama vypuskniki pavinny napisać ese ci pierakaz.
22.06.2023 / 14:20
Fota: Vilenskaja biełaruskaja himnazija imia F. Skaryny
U 2023-m 752 vypuskniki vybrali polskuju movu na školnym ispycie pa rodnaj movie (hodam raniej — 751), ruskuju — 408 (340).
Ispyt pa rodnaj movie składajecca z «zadańniaŭ na razumieńnie i farmavańnie tekstu», taksama vypuskniki «pavinny napisać ese abjomam 250-400 słoŭ» ci «pierakaz tekstu na adnu z troch vyznačanych tem», jak paviedamlaje «Pozirk».
Pavodle źviestak Nacyjanalnaha ahienctva adukacyi Litvy, u 2023 hodzie ispyty zdaje amal 27,5 tysiačy vypusknikoŭ ahulnaadukacyjnych škoł i prafiesijna-techničnych vučyliščaŭ.
Kolkaść biełarusaŭ, jakija žyvuć u Litvie, za 2022 hod vyrasła na 57,3% i dasiahnuła 48 804 čałaviek, jak paviedamiła na bryfinhu 18 maja pradstaŭnica daśledčaha centra BEROC Anastasija Łuzhina sa spasyłkaj na MUS krainy.
Čytajcie taksama:
«Bolšaść jedzie pa pracy» — partret siaredniestastyčnaha biełarusa ŭ Litvie
Kim čaściej biełarusy pracujuć u Litvie?
Amal 300 biełarusaŭ nie zmahli lehalizavacca ŭ Litvie, bo padtrymlivajuć Rasiju i vajnu