Biełarus vyjhraŭ prestyžny Kubak Kołdera
Heta hałoŭny pryz Amierykanskaj chakiejnaj lihi, druhoj pa značnaści paśla NCHŁ.
22.06.2023 / 08:22
Alaksiej Protas
«Chieršy Birs» (farm-kłub kłuba NCHŁ «Vašynhton») abyhraŭ u aviertajmie ŭ siomym matčy finału «Kaačełu» (farm-kłub «Sietła») 3:2 i vyjhraŭ sieryju ź likam 4:3.
Biełarus Alaksiej Protas siońnia addaŭ halavy pas.
Naohuł u płej-of jon nabraŭ 13 bałaŭ (5 šajbaŭ + 8 halavych pieradačaŭ), heta treciaja pazicyja ŭ kłubie.
U hetym siezonie Protas hulaŭ za kłub NCHŁ «Vašynhton Kepitałz», a paśla taho, jak kłub nie trapiŭ u Kubak Stenli, adpraviŭsia ŭ «Chieršy» dapamahać zmahacca za trafiei.
Alaksiej — treci ŭ historyi biełarus, jaki staŭ uładalnikam Kubka Kołdera. Raniej trafiej zavajoŭvali Andrej Kaścicyn i Michaił Hraboŭski ŭ siezonie-2006/07 u składzie «Hamiltana».