Pientahon adkazaŭ Šajhu, jaki baicca ŭdaraŭ HIMARS i Storm Shadow pa Krymie
U Pientahonie prakamientavali zajavy ministra abarony RF Siarhieja Šajhu, jaki pahražaŭ udarami pa «centrach pryniaćcia rašeńniaŭ» va Ukrainie ŭ vypadku naniasieńnia ŭdaraŭ pa akupavanym Krymie. Jak paviedamlaje «Jeŭrapiejskaja praŭda», zajavu na bryfinhu zrabiła namieśnik śpikiera Pientahona Sabryna Sinhch.
21.06.2023 / 12:41
Namieśnik śpikiera Pientahona Sabryna Sinhch. Fota: Andrew Harnik / AP Photo
Sinhch nahadała Šajhu, što Krym — heta častka Ukrainy i što ZŠA padtrymlivajuć namahańni ŭkrainskich Uzbrojenych sił pa viartańni svaich suvierennych terytoryj.
«Ukraincy robiać usio mahčymaje z abstalavańniem, z mahčymaściami, jakija jość u ich na poli boju, kab praciahvać adciskać rasijan dalej, i my padtrymlivajem ich namahańni pa viartańni svajoj suvierennaj terytoryi», — skazała Sinhch.
Jana dadała, što ZŠA buduć padtrymlivać Ukrainu stolki, kolki spatrebicca ŭ baraćbie suprać Rasii.
Napiaredadni Šajhu na vajennaj kalehii pačaŭ pahražać udarami pa «centrach pryniaćcia rašeńniaŭ» va Ukrainie ŭ vypadku, kali Uzbrojenyja siły naniasuć udary pa akupavanym Krymie.
Šajhu śćviardžaje, što akupavany ŭkrainski paŭvostraŭ nibyta znachodzicca pa-za zonaj bajavych dziejańniaŭ, tamu mahčymyja ŭdary pa Krymie rasijskaje vajskovaje kiraŭnictva rascenić jak uciahvańnie ŭ vajnu ZŠA i Vialikabrytanii i ŭdaryć u adkaz pa «centrach pryniaćcia rašeńniaŭ» va Ukrainie.
Čytajcie taksama:
Apieracyja idzie zhodna z płanam: Załužny ŭpieršyniu apublikavaŭ VIDEA vizitu na pieradavuju
Va Ukrainu pastavili zienitna-rakietny kompleks siaredniaj dalokaści SAMP/T — Le Monde