Pryziorka Alimpijady Nadzieja Astapčuk upieršyniu za paŭhoda vyjšła na suviaź
Jana apublikavała fotazdymak u fejsbuku.
17.06.2023 / 15:26
Pra zatrymańnie čempijonki śvietu i Jeŭropy, pryziorki Alimpijskich hulniaŭ — 2008 stała viadoma 15 śniežnia.
Paźniej byłyja viaźni raspaviadali pra sustreču z Nadziejaj za kratami: «Pakul čakali sud, mima pa kalidory na dopyt praviali spartoŭku Astapčuk. Vonkava była spakojnaja, ale vidać, što «hruz na plačach niesła».
Rasijskaja žurnalistka Kaciaryna Jańšyna znachodziłasia na Akreścina z 5 pa 20 studzienia. Jana raspaviała «Našaj Nivie», što čuła ad svaich sukamiernic pra toje, u jakich umovach u toj čas siadzieła spartoŭka.
Kali Kaciaryna była ŭ CIP, joj raskazvali, što Astapčuk znachodziłasia ŭ IČU na Akreścina. U CIP vielmi śpiakotna, a ŭ IČU, naadvarot, duža choładna.
Pavodle sukamiernic Kaciaryny, spartsmienka zachvareła padčas źniavoleńnia, ale navat u takim stanie, ležačy na padłozie, zakryvała saboj ludziej ad skraźniaku.
U lutym «intervju» ŭ Astapčuk na ANT uziaŭ Marat Markaŭ.