Litva i Polšča zaklikali NATA adkazać na raźmiaščeńnie rasijskaj jadziernaj zbroi ŭ Biełarusi
Raźmiaščeńnie Rasijaj taktyčnaj jadziernaj zbroi ŭ Biełarusi patrabuje adekvatnaha adkazu z boku Paŭnočnaatłantyčnaha aljansu, ličać lidary ŭschodniejeŭrapiejskich krain, jakija miažujuć ź Biełaruśsiu. U pryvatnaści, NATA nieabchodna palapšać płany pa abaronie krain Bałtyi, zajaviŭ vydańniu Financial Times ministr zamiežnych spraŭ Litvy Habryelus Łandśbierhis.
13.06.2023 / 20:24
Niamieckija tanki na palihonie ŭ Litvie. Fota: Mindaugas Kulbis / AP Photo
Ciapierašnija płany reahavańnia na kryzis, jak, naprykład, rasijskaje ŭvarvańnie, Łandśbierhis ličyć dastatkovymi, ale ličyć, što nieabchodnyja i dadatkovyja miery, kab supraćstajać pastajannym pahrozam Rasii ŭ adras krain rehijona.
Nieabchodna ŭmacavać pastajannuju abaronu krain Bałtyi ŭ cełym i Litvy ŭ pryvatnaści, «tamu što naša terytoryja ŭraźlivaja», skazaŭ ministr.
NATA ŭžo raźmiaściła ŭ Litvie, Łatvii i Estonii dadatkovyja bataljony, viaducca pieramovy ab pavieličeńni pastavak uzbrajeńniaŭ. Ale ŭžo padrychtavanyja płany i tyja, što raspracoŭvajucca, dobryja tolki ŭ vypadku kryzisu, a treba dumać, śćviardžaje Łandśbierhis, i pra časy pierad im:
«Što rabić u mirny čas? Jakoje pasłańnie my robim Pucinu? Na žal, pakul takoha pasłańnia niama».
Adreahavać na raźmiaščeńnie rasijskaj jadziernaj zbroi zaklikaŭ i prezident Polščy Andžej Duda.
«Ja absalutna ŭpeŭnieny, što takaja situacyja patrabuje niedvuchsensoŭnaha adkazu NATA», — zajaviŭ jon u paniadziełak napiaredadni pieramoŭ z prezidentam Francyi Emaniuelem Makronam i kancleram Hiermanii Ołafam Šolcam.
Čytajcie taksama:
Łukašenka zajaŭlaje, što kiravać jadziernaj zbrojaj budzie jon: «Nijakaha vahańnia nie budzie»
ZŠA nie bačać pahrozy jadziernaj vajny z-za raźmiaščeńnia jadziernaj zbroi ŭ Biełarusi
Raźmiaščeńnie jadziernaj zbroi ŭ Biełarusi pačniecca paśla 7-8 lipienia — Pucin
Stołtenbierh: Pahadnieńnie ab raźmiaščeńni jadziernaj zbroi ŭ Biełarusi nieprymalnaje