U Stolinskim rajonie za minuły tydzień patanuli dva rybaki
U Stolinskim rajonie adbyłosia dva niaščasnyja vypadki: ludzi patanuli, kali łavili rybu. Abodva rybaki pry hetym užyvali mocnyja napoi, paviedamili va ŭpraŭleńni Śledčaha kamiteta pa Bresckaj vobłaści.
12.06.2023 / 15:45
Fota ilustracyjnaje
Pavodle infarmacyi SK, ranicaj 8 červienia dvoje žycharoŭ vioski Charomsk pili śpirtnyja napoi i adnačasova łavili rybu na pantonnym moście cieraz raku Haryń. Papiarednie ŭstanoŭlena, što 47-hadovy mužčyna straciŭ raŭnavahu, upaŭ u vadu i patanuŭ. Jaho cieła paniesła płyńniu raki. Zahinułaha znajšli praz dva dni paśla praviadzieńnia pošukavych mierapryjemstvaŭ.
Druhi niaščasny vypadak adbyŭsia nočču 11 červienia pablizu ahraharadka Hlinka, dzie 45-hadovy mužčyna taksama ŭžyvaŭ śpirtnoje i rybačyŭ u sažałcy Turaŭskaj. Pa słovach vidavočcaŭ, rybak zvaliŭsia ŭ vadu i patanuŭ. Jaho cieła dastaŭ z vady znajomy.
Čytajcie taksama:
U Słuckim rajonie zahinuŭ pasažyr Tesla. Kiroŭca byŭ pjanym i biez paśviedčańnia
U Mahilovie maleńkaja dziaŭčynka vypała z akna šostaha paviercha i zahinuła