Z łaźniaj i basiejnam. Za piać chvilin ad Minska pradajecca stylovy dom z brusa
Heta chata z brusa ŭ sučasnym styli šmat kamu spadabajecca: vyhladaje stylna, prastornaja, z pradumanaj płaniroŭkaj i kłasnym interjeram. Jość vialikaja łaźnia z basiejnam, navies dla barbiekiu i 15 dobraŭparadkavanych sotak, piša Realt.
11.06.2023 / 15:43
Dom znachodzicca ŭ Kałodziščach, u sučasnaj častcy ahraharadka, jakuju nazyvajuć «Palihon». Tut vydatnaja infrastruktura — darohi z asfaltam, novyja škoła i dziciačy sad, kramy i ŭsiaho 5 chvilin na mašynie da Minska.
Ahulnaja płošča — 243,2 kv. m. Płaniroŭka niezvyčajnaja. Na pieršym paviersie — vialikaja ŭtulnaja haścioŭnia z kaminam, kuchnia z vychadam na terasu, piaredni pakoj, sanvuzieł.
Na druhi pavierch viadzie masiŭnaja dubovaja leśvica. Tam znachodziacca try spalni, biljardavaja, dźvie harderobnyja i sanvuzieł.
Dom pradajecca z usioj meblaj i ŭbudavanaj technikaj niamieckaha brenda Teka: pasudamyjka, indukcyjnaja plita, duchavaja šafa, mikrachvaloŭka.
Aciaplajecca dom dvuchkonturnym katłom Ariston, kandycyjaniery robiać žyćcio kamfortnym śpiakotnym letam. Usie kamunikacyi jość: trochfazny ličylnik, reziervovaje siłkavańnie ad hienieratara, vada — z ułasnaj śvidraviny, kanalizacyja miascovaja.
U asobnym dvuchpaviarchovym budynku pobač z domam raźmiaściłasia łaźnia z basiejnam, dušam i svajoj terasaj. Jość asobny padstrešak dla barbiekiu.
Ahulnaja płošča ŭčastka — 15 sotak. Na im raście šmat raślin: tui, jełki, pichty, chvoi, jaźmin, bez, mahnolija, viarby, chmyźniaki, biaroza, pładovyja drevy.
Usio heta ŭładalniki acanili ŭ 290 000 dalaraŭ.
Čytajcie taksama:
«U trendach dačy». Ekśpierty raskazali, što adbyvajecca z prodažam damoŭ i što budzie dalej
Vyrasła kolkaść tych, chto kuplaje žyllo ŭ kredyt
U Drazdach na prodaž vystavili novy dom za try miljony dalaraŭ. Što ŭ im?