Pad Viciebskam chłopiec chacieŭ papužać siabroŭ, prykinuŭšysia, što topicca. U vyniku patanuŭ sapraŭdy
Uviečary 8 červienia kala 21-j hadziny kampanija maładych ludziej pryjechała adpačyć na voziera Harodna ŭ vioscy Sasnoŭka Viciebskaha rajona. Hetaja pajezdka niečakana skončyłasia trahiedyjaj.
09.06.2023 / 21:30
Fota ilustracyjnaje
Adpačyvajučy na bierazie voziera, 18-hadovy navučeniec adnaho ź viciebskich kaledžaŭ vyrašyŭ vypić džyn-toniku, paśla čaho chłopca paciahnuła ŭ vadu kupacca, niahledziačy na adhavory siabroŭ.
Kali chłopiec zalez u vadu, to vyrašyŭ pažartavać ź siabroŭ, staŭ kryčać, što tonie, ale chutka pryznaŭsia, što prosta chacieŭ pazabaŭlacca, paśla čaho papłyŭ dalej.
Praz peŭny čas student schavaŭsia pad vadoj i chłopcy padumali, što jon iznoŭ žartuje. Ale akazałasia, što hetym razam usio surjozna — u 22:15 sa dna voziera ratavalniki dastali ŭžo niežyvoje cieła.
Čytajcie taksama:
U Hiermanii biełarus zahinuŭ, vučačy dziaŭčynu płavać na voziery