Miesi paprasiŭ adkłaści pierachod u «Al-Chilal» na nastupny hod — miedyja
Usio bolš vierahodna, što jon vierniecca ŭletku ŭ «Barsiełonu».
06.06.2023 / 16:12
Lijanel Miesi pryvioŭ Arhiencinu da załatych miedaloŭ čempijanatu śvietu. Kałaž ź jaho staronki ŭ instahramie
Lijanel Miesi paprasiŭ saudaŭski kłub «Al-Chilal» adkłaści jaho pierajezd tudy da 2024 hoda, paviedamlaje Goal.
Pa źviestkach Goal, ahienty Miesi praviali sustreču z delehacyjaj Saudaŭskaj Aravii ŭ paniadziełak i paprasili ich adkłaści čakany pierachod u prafiesijnuju lihu Saudaŭskaj Aravii da 2024 hoda. Adnak araby byli ździŭlenyja hetaj navinoj i paviedamili kamandzie Miesi, što ich prapanova ŭ nastupnym hodzie budzie adroźnivacca ad uhody koštam 500 miljonaŭ jeŭra ŭ hod, jakaja razhladajecca ciapier.
U minułuju subotu Miesi kančatkova raźvitaŭsia z PSŽ. Učora źjaviłasia infarmacyja, što jahony baćka Chorchie Miesi sustrakaŭsia z kiraŭnictva «Barsiełony», kab arhienciniec viarnuŭsia ŭ kłub, u jakim jon vyras i pravioŭ 18 siezonaŭ.
Čytajcie taksama:
Bienziema padpisaŭ kantrakt z «Al-Itychadam» — AFP
Lehiendarny futbalist Złatan Ibrahimavič abviaściŭ pra zaviaršeńnie karjery