Bienziema pakidaje «Reał»
Uładalnik «Załatoha miača» Karym Bienziema nie staŭ praciahvać kantrakt z karaleŭskim kłubam.
04.06.2023 / 13:16
Fota: «Reał» Madryd
Jon pakidaje «Reał» pa zakančeńni siezona. Siońnia «Reał» u apošnim tury zhulaŭ z «Atletykam» ź Bilbaa (1:1), i Karym zraŭniaŭ lik ź pienalci, i heta dazvoliła karaleŭskamu kłubu zastacca na 2-m miescy ŭ tablicy.
«Reał» choča vykazać svaju padziaku i ŭsiu svaju prychilnaść da taho, chto ŭžo jość adnoj z našych najvialikšych lehiend», — havorycca ŭ paviedamleńni karaleŭskaha kłuba.
Bienziema pierajšoŭ u «Reał» z «Alimpika» ź Lijona ŭ 2009 hodzie i vyjhraŭ z karaleŭskim kłubam 25 trafiejaŭ, u tym liku čatyry čempijanaty Ispanii, piać Lih čempijonaŭ. Za «Reał» jon zhulaŭ 439 matčaŭ, zabiŭ 238 hałoŭ. Taksama Karym čatyry razy stanaviŭsia čempijonam Francyi.
Mahčyma, 35-hadovy francuz praciahnie karjeru ŭ Saudaŭskaj Aravii. Prynamsi, jon kansultavaŭsia na hety kont z byłym tavaryšam pa madrydskim kłubie Kryšcijanu Ranałdu, jaki hulaje za «Al-Nasr».
Čytajcie taksama:
«Kaljary» vybiŭ «Parmu» 45-hadovaha Bufona z płej-of Sieryi B
Najlepšym hulcom italjanskaj Sieryi A pryznali 22-hadovaha hruzinskaha futbalista