Dziciačuju piśmieńnicu asudzili pa «narodnym» artykule na dva hady «chatniaj chimii»
U sudzie Centralnaha rajona Minska 30 maja asudzili Janu Cehłu pavodle č. 1 art. 342 (arhanizacyja i padrychtoŭka dziejańniaŭ, što hruba parušajuć hramadski paradak, albo aktyŭny ŭdzieł u ich) Kryminalnaha kodeksa.
01.06.2023 / 10:32
Sudździa Dźmitryj Karsiuk pryznačyŭ Janie dva hady abmiežavańnia voli biez nakiravańnia ŭ papraŭčuju ŭstanovu adkrytaha typu («chatniaja chimija»).
Dziaŭčynu zatrymali 6 krasavika 2023 hoda. Da suda jaje ŭtrymlivali pad vartaj.
Jana Cehła — piśmieńnica, aŭtarka kazak. Skončyła histaryčny fakultet BDU. Vučyłasia ŭ litaraturnaj škole Adama Hłobusa. Apošni hod dziaŭčyna pracavała ŭ LiMie («Litaratura i mastactva») žurnalistkaj. Jana zasnavała časopis maładoha biełaruskaha mastactva «Maskarad», piša «Viasna».