Nad Kijevam SPA źniščyła bolš za 40 pavietranych celaŭ rasijan
29 maja nad Kijevam ukrainskija siły abarony źniščyli bolš za 40 pavietranych celaŭ, abyšłosia biez krytyčnych razbureńniaŭ, zahinułych i paciarpiełych. Pra heta paviedamiŭ mer Kijeva Vital Kličko.
29.05.2023 / 08:31
«Jašče adna składanaja noč dla stalicy. Ale, dziakujučy prafiesijanalizmu našych abaroncaŭ, u vyniku pavietranaj ataki varvaraŭ u Kijevie nie adbyłosia paražeńniaŭ i razbureńniaŭ infrastrukturnych i inšych abjektaŭ, šmatkvaternych žyłych damoŭ. Niama paciarpiełych i zahinułych», — napisaŭ Kličko.
«Dziakuj našym siłam SPA za filihrannuju pracu!» — dadaŭ jon.
Načalnik Kijeŭskaj haradskoj vajennaj administracyi Siarhiej Papko ŭdakładniŭ, što hetaj nočču rasijanie vykarystoŭvali nad Kijevam, pavodle papiaredniaj infarmacyi, bojeprypasy Shahed.
Pavodle jaho, praktyčna adnačasova z atakaj BPŁA, z rajona Kaśpija rasijskija TU-95MS ažyćciavili puski kryłatych rakiet, vierahodna Ch-101/555. Ataka na stalicu była kambinavanaj, z roznych napramkaŭ.
Nad Mikałajeŭskaj i Adeskaj abłaściami źniščyli 4 varožyja Shahed. Try ź ich źniščyli ŭ niebie nad Mikałajeŭskaj vobłaściu, jašče 1 — nad Adeskaj vobłaściu.
U vyniku papadańnia ŭ partovuju infrastrukturu Adesy ŭspychnuŭ pažar, jaki apieratyŭna likvidavali, paviedamili ŭ AK «Poŭdzień». Infarmacyja pra maštab razbureńniaŭ udakładniajecca, jak havorycca ŭ paviedamleńni.
Čytajcie taksama:
U Pavietranych siłach raspaviali, kolki F-16 treba Ukrainie dla pieravahi nad voraham
Čarhovy kamplekt zienitnaha rakietnaha kompleksu S-400 prybyŭ u Biełaruś — Minabarony
Ukraina atrymaje rakiety AIM-9. Što heta značyć?
«Kinžał» akazaŭsia blefam. Heta budzie mieć vialikija nastupstvy