Ramiesny zbor biełarusy buduć płacić pa-novamu. Što źmianiłasia
Z 1 lipienia 2023 hoda ŭstupajuć u siłu źmieny ŭ zakanadaŭstva, jakija tyčacca vypłaty ramiesnaha zboru.
26.05.2023 / 10:36
Ilustracyjny zdymak. Fota: «Naša Niva»
Pra heta sa spasyłkaj na Ministerstva pa padatkach i zborach piša ahienctva «Minsk-Naviny».
Fizičnyja asoby, jakija zajmajucca ramiesnaj dziejnaściu, z 1 lipienia 2023 hoda abaviazany prymianiać padatak na prafiesijny dachod, kali adsutničajuć adpaviednyja rašeńni ab pravie prymianiać zbor za ramieśnictva, pryniatyja miascovymi vykanaŭčymi i rasparadčymi orhanami.
Kali takija rašeńni ŭsio ž majucca, hramadzianie majuć prava z 1 lipienia 2023-ha zamiest padatku na prafiesijny dachod prymianiać zbor za ažyćciaŭleńnie ramiesnaj dziejnaści. Dla hetaha nieabchodna źviarnucca ŭ rajonnyja administracyi pa miescy rehistracyi, u jakich pracujuć adpaviednyja kamisii.
Zbor za ramieśnictva ciapier składaje 62 rubli na hod. Padatak na prafiesijny dachod składaje 10% dachodu — kali suma hadavoha dachodu nie pieravyšaje 60 tysiač rubloŭ. Kali suma bolšaja, to staŭka padatku — 20% ad dachodu.