Stała viadoma, kolki vizaŭ vydali biełarusam za minuły hod krainy Jeŭrasajuza
Jeŭrakamisija apublikavała źviestki ab vydačy viz u 2022 hodzie. Akazałasia, što za minuły hod u konsulstvach krain Jeŭrasajuza ŭ Biełarusi vizy atrymali 118 523 čałavieki, pry hetym było 2292 admovy. Dla paraŭnańnia: pa vynikach 2021 hoda ŭ Biełarusi vydadziena 57 485 šenhienskich viz, admovaŭ było 656, piša Office Life.
23.05.2023 / 16:39
Statystyka ŭličvaje nie tolki biełarusaŭ, ale i tych, u kaho jość dazvoł na pastajannaje ci časovaje žycharstva. Taksama jana ŭličvaje tolki vizy typu C (karotkaterminovyja).
Bolš za ŭsio viz u 2022 hodzie vydaŭ konsulski adździeł pasolstva Italii — 36 127. Ź ich šmatrazovych — 28 104, admoŭ — 284.
Pasolstva Hiermanii ŭ Minsku vydała 26 667 viz, ź ich šmatrazovych — 23 240, admoŭ — 638.
Pasolstva Vienhryi vydała 13 264 vizy, ź ich šmatrazovych — 11 076, admoŭ — 204.
Pasolstva Francyi vydała 8818 viz, ź ich šmatrazovych — 7396, admoŭ — 53.
Pasolstva Słavakii vydała 2175 viz, ź ich šmatrazovych — 1032, admoŭ — 32.
Pasolstva Čechii vydała 1028 viz, ź ich šmatrazovych — 696, admoŭ — 6.
Hienieralnaje konsulstva Polščy ŭ Hrodnie vydała 8392 vizy, ź ich šmatrazovych — 7736, admoŭ — 261. Polskaje konsulstva ŭ Breście vydała 4653 vizy, ź ich šmatrazovych — 4245, admoŭ — 182. Ambasada Polščy ŭ Minsku vydała 4232 vizy, ź ich šmatrazovych — 3644, admoŭ — 157.
Litva vydała 6106 viz (šmatrazovych — 5882, admoŭ — 12), Łatvija — 4129 viz (šmatrazovych — 3837, admoŭ — 295), Estonija — 2932 vizy (šmatrazovych — 2637, admoŭ — 168).
Čytajcie taksama:
Pasolstva Hiermanii pamianiała paradak padačy dakumientaŭ na šenhienskuju vizu